منتدى ابناء كفــــ الســودان ـــــــــر

http://i49.tinypic.com/2vdh9ns.jpg

يسعدنا أن ندعوك للتسجيل معنا في منتدي ابناء كفرالسودان



ماذا تستفيد من التسجيل :-
- متابعة احدث الاخبار

- موضوعات هامة ومتنوعة
- أكبر خدمة ودعم لأصحاب المواقع والمنتديات


التسجيل في دقيقة واحدة ولا نرسل مزعجة رسائل للبريد
الالكتروني

مع أجمل تمانياتنا لتصفح ممتع

ادارة المنتدي


    شباب كفر السودان والموبايل

    شاطر
    avatar
    واحد من الناس
    الكاتب المبدع الكاتب المبدع

    عدد المساهمات : 179
    العمر : 36
    مزاجك اليوم :
    المهنة :
    جنسيتك : جمهورية مصر العربية
    عدد النقاط : 509
    السٌّمعَة : 0
    تاريخ التسجيل : 28/02/2010
    الأوسمة :

    الاضافات
    اخرالمواضيع:

    جديد منتدى ابناء كفرالسودان

    ↑ Grab this Headline Animator


    التوقيت الان بمصر:

    m1 شباب كفر السودان والموبايل

    مُساهمة من طرف واحد من الناس في 20.03.10 16:35


    [size=21]الموضوع مش مهم قوى بس شوية كدة .مايحدث بين شباب كفر السودان فى موضوع الموبايل ندخل فى الموضوع على طول

    أشهر سبب يخليك ترن على حد , لما تطلع الموبايل وتيجي تتصل و يطلعلك صوت واحدة تقولك ( عفوا يابن كفر السودان......... لقد أوشك رصيدك على النفاذ .... ملكش في ذمتنا دلوقتي إلا صفر جنيه وستة وتلاتين قرشا , يعني مش هينفع تعد ترغي كتير , إلحق اشحنلك كارت بأى حاجة قبل ما رصيدك يخلص ) , في الحالة دي مش هتجرؤ إنك تطول في الرن عن ثانيتين خوفا من إن حد يفتح عليك , وطبعا هتقعد ترن علي إلي عاوز تكلمه لغاية ما تزهقه فى عيشتة وتخليه يتصل بيك

    في شباب تانية بتاعة مزاج بتستخدم الرن كشفرة بينها وبين بعض , يعني مثلا لو رن على صاحبة مرتين ورا بعض بالليل يبقى( مستنيك على الترعة الغربية بعد مزرعة ابو العنين ), أما لو تلات رنات يبقى (هتلاقيني قاعد قبل المزرعة فى طيارة عبد الكريم او طيارة ابراهيم عبدالله المهم عدى وانا هشوفك وانادى عليك ), 4 رنات ( ماتنساش تجيب سجاير فرط معاك من اى حد فاتح وشوية لب لو فضل فلوس), 5 رنات ( انجز وتعالى بسرعة عشان انا مقريف ودماغى فاصلة شحن)
    شباب تانية بتستخدم الرن عشان تعرف النتيجة بتاعة الامتحان, زي ما أحمد كان بيتفق مع صاحبه حسام في آخر يوم في الامتحانات عشان يجيبله النتيجة .
    - شوف يا حسام أنا هرجع كفر السودان بعد الامتحان , أمانة عليك يا ياحسام تدينى رنة لما النتيجة تظهر ...... , أهل الكفر كلهم منتظرين النتيجة .

    - ايه أحمد!......... عاوزني اتصل بيك ازاي بس وأنا مشحنتش موبايلي من أول ما اشتريته غير مرتين , مرة لما أبويا حولي رصيد باتنين جنيه ونص لما نجحت في الثانوية , ومرة تانية لما سلفتني خمسة جنيه رصيد لما بعتلك سلفني شكرا .
    - ايه الكلام الخايب دة , نظام رنات بس يامعلم ) .
    - خلاص ..... خلاص , يعني لو رنيت عليك رنة يبقى انت شايل ماده , ولو مادتين هرن عليك رنتين , ولو جبت مقبول هرن عليك 3 رنات , ولو جيد يبقي 4 , ولو......... أحمد. مقاطعا : كفايا ياحسام أنا عارف نفسي كويس , صعب أجيب 5رنات ولا 6 رنات .

    المدرسين ياسلام لو بتاخد درس عند واحد منهم كان الاول يقولك صلى العصر فى الجامع الكبير ونتفق هناك طبعا سيادتك تتكسف وتروح المسجد وتصلى العصر ال انتة مابتصلهوش أصلا غير لما يكون عندك درس الاستاذ يقولك الان العملية سهلة الاستاذ يقولك لو رنيت رنة عليك فية درس لو اتنين تعال الان المجموعة كلها هنا لو تلاتة عندى مشوار ومعادنا بكرة
    في بقي الرنة الدولية , ودي لما يكون ليك واحد من الناس شغال بره البلد وعاوز تتطمن عليه , فبدل ما تغرم نفسك وتتصل بيه بالشئ الفلاني , هترن عليه رنة وهو يرن عليك رنة وبكده تكون اطمنت عليه , بس دي بتبقى من أخطر الرنات عشان لو اتفتح عليك بتتغرم كتييير , وتلاقي إلي بيرن الرنة دي ماسك الموبايل واديه بترتعش ومعدل نبضه بيزيد , وتلاقي اتنين واقفين جنبه بينشفولو عرقه,ومش بعيد يكتب وصيته قبل المكالمة عشان لو طب ساكت لو حد فتح عليه , وتلاقيه عامل احتياطاته كلها عشان محدش يفتح عليه ( فتلاقيه ماسك الموبايل بإيدو اليمين وبيرن بصابع وعامل حسابه إن فيه صابع تاني محطوط علي زرار قفل السماعة

    في ناس بقى تخليك تشتغل ليهم منبه , أصل من كتر ما هما نومهم تقيل ومبيصحوش إلا لو انفجرت جنبهم قنبله ذرية تلاقيهم كل شوية يقعدو يوصوك : بقولك ايه اوعى تنسى ترن عليا الساعة سبعة ونص عشان عندى مشوار وعايز اصحى بدرى,وانت عارف مواصلات بلدنا والتكاتك ودة يمسك فى دة ودة يمسك فى دة وايام طويلة مترنش رنة وتقفل خليك ورايا لغاية ما كنسل عليك , وغالبا النوع ده بيفتح عليك من تاني رنة أصله بيكون مش في وعيه ولما يلاقي حاجة بترن جنبه كل شوية , هيمسكها عشان يشوف مين الغتت إلي مش عاوز يبطل رن ده , وبما إنه مش في وعيه فغالبا هيفتح عليك

    اشكرك انك كملت الموضوع للأخر بس ياترى انت نظامك اية فى الرن
    [/size]
    avatar
    ابواحمد
    المدير
    المدير

    عدد المساهمات : 2931
    العمر : 53
    مزاجك اليوم :
    المهنة :
    جنسيتك : جمهورية مصر العربية
    عدد النقاط : 5032
    السٌّمعَة : 24
    تاريخ التسجيل : 10/10/2008
    الأوسمة :

    الاضافات
    اخرالمواضيع:

    جديد منتدى ابناء كفرالسودان

    ↑ Grab this Headline Animator


    التوقيت الان بمصر:

    m1 رد: شباب كفر السودان والموبايل

    مُساهمة من طرف Ø§Ø¨ÙˆØ§Ø­Ù…د في 20.03.10 16:42





      الوقت/التاريخ الآن هو 13.12.18 16:29