منتدى ابناء كفــــ الســودان ـــــــــر

http://i49.tinypic.com/2vdh9ns.jpg

يسعدنا أن ندعوك للتسجيل معنا في منتدي ابناء كفرالسودان



ماذا تستفيد من التسجيل :-
- متابعة احدث الاخبار

- موضوعات هامة ومتنوعة
- أكبر خدمة ودعم لأصحاب المواقع والمنتديات


التسجيل في دقيقة واحدة ولا نرسل مزعجة رسائل للبريد
الالكتروني

مع أجمل تمانياتنا لتصفح ممتع

ادارة المنتدي


    ممكن تحرق دمك معانا شوية اتفضل احرق

    شاطر
    avatar
    بحب مصر
    عضو جديد
    عضو جديد

    عدد المساهمات : 18
    العمر : 35
    مزاجك اليوم :
    المهنة :
    جنسيتك : جمهورية مصر العربية
    عدد النقاط : 46
    السٌّمعَة : 0
    تاريخ التسجيل : 05/04/2010
    الأوسمة :

    الاضافات
    اخرالمواضيع:

    جديد منتدى ابناء كفرالسودان

    ↑ Grab this Headline Animator


    التوقيت الان بمصر:

    m1 ممكن تحرق دمك معانا شوية اتفضل احرق

    مُساهمة من طرف بحب مصر في 02.05.10 15:43

    يعني ايه كولا زيرو؟
    شفتها من كام يوم ومكتوب تحتها:

    يعني الريس يروح يعمل عملية في ألمانيا
    يقوم شيخ الأزهر يموت في الرياض



    بس جالي ايميل بنفس العنوان ، بس تقيل شويتين:


    يعني أية كولا زيرو !!!!





    يعنى يقولك ان من اهم انجازات عصر ما بعد الثورة هى مجانية التعليم.....و اى اسرة فى مصر بتبيع اللى وراها و اللى قدامها علشان الدروس الخصوصية!!!!




    يعنى ابويا يسافر و يتغرب و يوفر شقة لولاده من فلوسه محدش دفعله فيها حاجة و يجى بطرس غالى يفرض عليها ضريبة عقارية.!!!!!!!!


    يعنى حسنى مبارك يعمل سور لقتل اطفال غزه





    يعنى وزير مالية عمل قانون الضرائب العقارية وقال هيدفع عن القصور بتاعته ويطلع يتعالج على نفقة الدولة






    يعنى وزير صحة شريك فى كبرى مستشفيات البلد)دار الفؤاد) و مراته تتعالج على نفقة الدولة






    يعنى ناس غلابة و مش لاقين الزلط حتى . وعضو مجاس الشعب يطلب منهم ثلث قيمة قرار العلاج على نفقة الدولة رشوة عشان يتعلجوا على نفقة الدولة


    يعني ندي الغاز لإسرائيل مدعم لعشرين سنه جايه و المصريين مش لاقيين أنبوبه بوتاجاز


    يعني وزير الإسكان يبقي سمسار اراضي !






    ووزير التعليم يبقي بلطجي قديم !






    ووزير الصحه بيتعالج علي نفقة الدوله !


    يعنى جمال مبارك ياخد فلوسنا وارضنا ويوزعها على اصحابه


    و ييجى واحد يقولك اللى تعرفو احسن من اللى ما تعرفوش




    يعنى كولا زيرو


    و غاز زيرو


    و مرتبات زيرو


    و ضمير زيرو


    تنمية زيرو


    و انتخابات زيرو


    و صحة زيرو


    و دقيق زيرو




    يعنى تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لأنعدام الامن فى جنوب أفريقيا و عدم و جود بنية تحتية فى المغرب و فجاة تاخد صفر كبييير من لجنة الفيفا





    يعنى يبقى عندك ثلث أثار العالم فى مدينة واحدة بالأقصر و تلاقى دولة زى تونس عدد السائحين فيها اكتر من عندك


    يعني تترشح في الانتخابات عن فئة (العمال) وتنجح فتعيش عيشة (الملوك).


    . إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه مخيش في قطر تاني.






    يعنى تبقى الدول العربيه اللى مكانش حد يسمع عنها زى دبى وقطر والبحرين كلها نظام ونضافه------ وحنا اللى كنا بنعلمهم من 30 سنه ....الزبالة وعدم النظام في كل مكان ورئيس الوزراء بيقول ان وجود الزبالة بالكثرة دي بيدل على الغنى الي عايش فية الشعب المصري


    يعني تبقة نسبة التحرش الجنسي بالفتيات في الشارع المصري والمواصلات العامة 80% .....والحكومة تطالب بخلع النقاب !!!!


    يعني لما الشعب ما يلاقاش سكن ويروح يسكن في الجبل ويقع علي يقولوا عشوائيات


    يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 واحد يموتوا .... يطلع التحقيق انهم ماتوا بنزلة برد عشان لما غرقوا ماكنوش عاملين حسابهم وماتقلوش هدومهم


    يعنى قناة ال BBC فيها مذيعات محجبات و تلفزيون بلد الأزهر بيمنع ظهور المذيعات المحجبات!!!!!!!!!!!




    يعني مصانع الحديد كانت بتبيع الطن ب2000 جنية ويجي بقدرة قادر احمد عز محتكر الحديد يبيعه ب8000 جنية ........ تيجي الحكومة تعمله قانون تفصيل مخصوص لية عشان تحمية من بطش الناس




    يعني يبقي اليهود نهبوا فلوس العالم عشان الهولوكوست الوهمي


    ويتباهو بقتل اسرانا في تليفزيونهم ومحدش يقولهم حاجه !




    يعني يعملوا قانون ضرائب جديد على العقارات ....... والشعب الي مش ناوي يدفع يموت نفسة عشان يجيب الاقرار ويتباع في السوق السودا كمان


    لما وزير التربية والتعليم المسئول عن تخريب الثانوية العامة وتعديلها اكتر من مرة خلال 4 سنوات والغاء سنة 6 من الابتدائي ..... يكون رئيس مجلس الشعب وممكن رئيس جمهورية كمان في حالة وفاة الرئيس


    يعني قطرين بخيشو في بعض والي يتحاسب الكومسري وفي مقولة اخرى البقرة الي كانت واقفة على القضبان


    يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين ووزير المالية وزوجة وزير الصحة بيتعالجوا بالملايين على نفقة الدولة


    يعني تبقي عندك بحرين و نيل قناة السويس و11 بحيره وبتستورد السمك من بره !


    يعني ربنا يكرمك وتكون رجل اعمال ولا سيدة اعمال وتاخد 2.800 مليار جنية مصري من 10 سنين وترد نصهم بالتقسيط بعد 10 سنين يعني المبلغ بيكون اضاعف معاك تلات اربع مرات وتكون برئ قدام الحكومة وكمان تنزل انتخابات مجلس الشعب وتنجح!!!!


    يعني يتحرق مجلس الشورى والشعب يدعي ربنا ان النواب يكونوا جواه


    لما الاعلام الحكومة والخاص مش همة الشعب الي مش لاقي ياكل ولا يلبس ولا يسكن وطبعا بدون عمل ...... وهمة كلة يعرف مين قتل سوزان تميم والمحكمة هتحكم باية في قضية مرتضى منصور وشوبير !!!


    لما الدايرة الي فيها 2500 صوت مرشح الحزب الوطني ياخد لواحدة 13000 صوت


    يعنى لما يكون يكون المزارع مش عارف يزرع ارضه بالقمح علشان نحتاج امريكا ------------ ولما يزرعه ياخدوه ارخص من المستورد 3 مرات


    لما يمنعونا من زراعة القطن الي بنتميز بية وبعد كده يروحو يبيعوا مصانع الغزل والنسيج لمستثمرين يهود يسرحوا العمالة ويقطعو الشركات ويبعوها اراضي على النيل


    يعني الحكومة عليها ديون داخلية وخارجية تبلغ 991 مليار جنية يعني نصيب كل فرد في مصر سواء طفل او بالغ او رجل او امراءة 13 الف جنية


    يعني من الاخر كده أنت مديون ب 13 الف جنية


    ما تيجوا نلم ديون مصر


    يعني كلنا خايفين علي مستقبل مصر


    واللي ماسكينها خايفين علي مستقبلهم هما




    يعنى لما تكون اقصى سرعه للسيارة 20 كيلو فى الساعه علشان الطرق متنيله بستين نيله والبلاعات طالعه فى وسط الشوارع واحيانا مفتوحه -------- يطلعوا لنا بقانون حزام الامان وصندوق الطبى علشان ابو مراة الننوس يبيع ويغتنى من دمنا






    لما يكون عندانا مجلس قومى للمرأة و اعلى معدلات طلاق فى الوطن العربى!!!!




    لما يكون عندنا مجلس قومى لحقوق الانسان و اعلى معدلات اعتقالات و تعذيب فى اقسام الشرطة.....



    لما وزير الاسكان يبيع ملايين الامتار ببلاش للمستثمرين مخالفة لقوانين الدوله ------------ ويبيعوا لنا المتر ب 3000 جنيه فى القاهره الجديده


    و لما وزير الاسكان يقول لو مخصصتش الآراضى للعائلة أمال هخصص لمين ,,,يبقى اللى اختشوا ماتوا!!!!




    و لما بيصرفوا ملايين الجنيهات على المهرجانات و المؤتمرات كل سنة و اول ما يحصل كارثة - كالزلزال او السيول - يقولك اتبرع للضحايا!!!!!


    يعنى تجى تشترى شقه فى اسكان مبارك لمحدودى الدخل تحسبها تجدها واقفة عليك بسعر السوبر لوكس


    لما الرئيس يحتفل بليلة القدر و يوزع جوائز على حفظة القرآن الكريم.... و لما الاخوان يجيوا يعملوا حاجة ايجابية - زى مشاريع خيرية او حتى يوزعوا شنط رمضان - يعتقلوهم و يقولوا لا للدولة الدينية!!!!!!


    و لما تتهد على اهلها يطلعوا يقولوا هم اللى غلط دول عشوائيات.... و كنتى فين يا حكومة على رأى معتز الدمرداش؟؟؟؟!!!!!!



    و لما يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا فى حرب اكتوبر!!!!




    إن تصبري يا نفس حقا ترفعي
    في جنة الرحمن خير المرتــع
    إن الحياة وإن تطل يأت النعي
    فإلى الزوال مآلها لا تطمعـي
    إلا بنيــل شهادة فتشفعــي
    avatar
    محمدمحار
    عضو نشيط
    عضو نشيط

    عدد المساهمات : 61
    العمر : 43
    جنسيتك : جمهورية مصر العربية
    عدد النقاط : 61
    السٌّمعَة : 0
    تاريخ التسجيل : 23/03/2010

    الاضافات
    اخرالمواضيع:

    جديد منتدى ابناء كفرالسودان

    ↑ Grab this Headline Animator


    التوقيت الان بمصر:

    m1 رد: ممكن تحرق دمك معانا شوية اتفضل احرق

    مُساهمة من طرف محمدمحار في 02.05.10 17:13

    موضوع جامد وربنا يستر عليك يا حبيب

      الوقت/التاريخ الآن هو 16.12.17 5:08